Emmaus-Kirchengemeinde Bunde

De Losungen för 2022 komen in d‘ September in de Bookhannel. 

So as bi de düütske Losungen ok gifft dat de Losung un de Lehrtext, de sünd ok so van Herrnhut vörgeven un van de Oversetters in Platt brocht. De darde Texten sünd Texten van Schriftstellers, man ok en heel bült Texten sünd van uns Oversetters sülvst schreven. Een Pläseer, dat to lesen.

De Losungen 2022 sünd en wunnerbaar Geschenk för all, de mit Gotts Woord in hör Moderspraak dör dat Jahr 2022 gahn willen.

Ji könen de Losungen in d´ Bookhannel kriegen of ok bi uns, se kösten hier un daar 7 Euro.

De Spröök för dat Jahr 2022
Dat seggt Jesus Christus di to:
Well bi mi kummt, de word nich wegstüürt!
Johannes 6, 27
Ut de Losungen 2022 plattdüütsch

Januar-Maant
Jesus Christus seggt:
Koomt driest mit mi!
Denn worden ji dat gewahr!
Johannes  1, 39
Ut de Losungen 2022 plattdüütsch


1. Sönndag na Wiehnachten
Spröök för de Week
Wi hebbesn seh, wo groot un wunnerbar he is:
so as hum dat tokummt as de Vader sien eenzigst Jung. He meent dat düchtig good mit uns,
un he seggt, dar kannst up an.
Johannes 1, 14b
Ut de Losungen 2022 plattdüütsch

Epiphanias
Spröök för de Dag
Wat düüster is, hett kien Bestand, un dat wahre Lücht is al good to sehn.
1. Johannes 2, 8b
Ut de Losungen 2022 plattdüütsch

1. Sönndag na Epiphanias
Spröök för de Week
Wecka von Gott sien Geist driäben watt, de sind Kinner van Gott.
Römer 8, 14
 Ut de Losungen 2022 plattdüütsch

2. Sönndag na Epiphanias
Spröök för de Week
Van sien´ grauten Schatz häb wi Gnoade ümme Gnoade noom.
Johannes 1, 16
 Ut de Losungen 2022 plattdüütsch 

Spröök för de Week
Kuomt un bekiekt ju Gott siene Weerke. Häi es wunnerboar in sien Deon an siene Miskenkinner.
Psalm 66,5
 Ut de Losungen 2022 plattdüütsch  

Spröök för de Week
Wui ligget vo dui met iusen Gebett un voload´t us nich uo iuse Gerechtigkoit, sonnern up duine gräode Barmoidigkoit.
Daniel 9,18b
  Ut de Losungen 2022 plattdüütsch   

Spröök för de Week
Vandaag, waar ji sien Stimm höört, sluut jo Hart nich of.
Hebräer 3,15
 Ut de Losungen 2022 plattdüütsch    

Spröök för de Week
Kiekt, wi gahnt nu na Jerusalem, un daar sall dat all to Enn brocht worden, wat de Propheten över de Minskensöhn schreven hebbt.
Lukas 18,31
Ut de Losungen 2022 plattdüütsch     

Spröök för de Week
Daarto is verschienen Gotts Söhn, dat he de Warken van de Düvel verneelt.
1. Johannes 3,8b
Ut de Losungen 2022 plattdüütsch      

Spröök för de Week
Gott wiest sien Leevde dör Jeus Christus, de för uns stürven is, as wi heel un dall slecht wassen.
Römer 5,8
Ut de Losungen 2022 plattdüütsch